काठमाडौं । हिमालयन बैंक गल्फ प्रतियोगिता २०२२ सम्पन भएको छ । रोयल नेपाल गल्फ कोर्समा पुस २३ र २४ गते सम्पन्न भएको प्रतियोगिता सम्पन्न भएको हो ।
स्टेबल फोर्ड ३/४ ह्यान्डिक्याप विधामा संचालन भएको उक्त प्रतियोगितामा एआईजी हरिबहादुर पाल ४० अंकका साथ प्रथम भए । ३७ अंकका साथ मेजर जेनेरल बिजय मोक्तानले दोस्रो भए ।
महिलातर्फबाट तारा कार्की चित्रकार ३७ अंकका साथ प्रथम भएको बैंकले जनाएको छ । सिनियर तर्फको उपाधि मेजर जनरल कमल सिंह प्रधानले ३४ अंक ल्याएर जिते । विभिन्न विधामा सम्पन्न भएको उक्त प्रतियोगितामा हिमालयन बैंक परिवारका तर्फबाट जयन्द्र विक्रम शाहले ३१ अंकका साथ उपाधि जिते ।
पुरुष जुनियर तर्फबाट टासी शेर्पाले २५ अंकका साथ बिजयी हुँदा महिला जुनियरको उपाधि अन्भद्या मल्लले १८ अंकका साथ जित्न सफल भइन् । जुनियर लङगेस्ट ड्राइभको उपाधि जयविर आर्चाय र जुनियर क्लोजेस्ट टू द पिन इदान्त सिंह साउँदले जिते ।