काठमाडौं । नेपाली कांग्रेसको १४औँ महाधिवेशन अन्तर्गत सभापति पदको मतगणना सुरु भएको छ । दोस्रो चरणको मतदान सम्पन्न भएपछि मतगणना सुरु भएको हो ।
राष्ट्रियसभा गृहमा मतगणना भइरहेको छ । अहिले मतपेटिकाबाट खसालिएको मतपत्र पट्याउने काम भइरहेको छ ।
मंगलबार अबेर रातिसम्म राष्ट्रियसभा गृहमा भएको मतदानमा ४५६३ मत खसेको पार्टीको केन्द्रीय निर्वाचन समितिले जनाएको छ ।
हिजोको तुलानामा मतदाताको संख्या घटेको छ । सोमबार राति सकिएको मतदानमा ४६७९ मत खसेको थियो ।
सोमबार भएको निर्वाचनमा सभापति पदका प्रत्यासी कसैले पनि ५० प्रतिशतभन्दा बढी मत ल्याउन नसकेपछि सबैभन्दा बढी मत ल्याउने प्रधानमन्त्री एवं वर्तमान पार्टी सभापति शेरबहादुर देउवा र नेता डा. शेखर कोइरालाबीच दोस्रो चरणको निर्वाचनका लागि प्रतिस्पर्धा हो ।