चितवन । भरतपुर महानगरपालिकाको वडा नम्बर २० को मतगणनाका क्रममा नेकपा माओवादी केन्द्र र कांग्रेसकी मेयरकी साझा उमेदवार रेणु दाहालले नेकपा एमालेका उमेदवार देवी ज्ञवालीलाई पछि पारेकी छन् ।
२८०१ मतगणना भइसक्दा उनले १५६ मतले देवी ज्ञवालीलाई पछि पारेकी हुन् । बिहानसम्म ७८४ मतले देवी ज्ञवालीको अग्रता कायमै रहेको भए पनि मतान्तर घटाउँदै रेणु अघि बढेकी थिइन् । अहिले २८०१ मत गणना हुँदा १५६ मतले देवी ज्ञवाली पछि परेका हुन् ।
अहिले वडा नम्बर २० को मतगणना भइरहेको छ । रेणुले ४२९१३ र देवीले ४२७५७ मत प्राप्त गरेका छन् ।