चितवन । भरतपुर महानगरपालिकाको मयेर पदका उमेदवारबीच कडा प्रतिष्पर्धा देखिएको छ ।

पछिल्लो मतपरिणामअनुसार जम्मा ४ मतले नेकपा एमालेका उमेदवार देवी ज्ञवालीले अग्रता कायमै राखेका छन् । तर बिहानसम्म उनले ७८४ मतले अग्रता कामय राखेका थिए ।

अहिले उनको अग्रताको मत घटेको छ । नेपाली कांग्रेस र माओवादी केन्द्रकी साझा उमेदवार रेणु दाहाल अहिले ज्ञवालीभन्दा जम्मा ४ मतले पछि परेकी छन् ।

अहिले मतगणना भैरहेको वडा कांग्रेसको मत बढी हुने आकलन गरिएको भए पनि अहिले नै कसले जित्ला भन्ने अनुमान लगाउन गाह्रो पर्ने स्थानीय नेता बताउँछन् । तर कांग्रेस र माओवादी केन्द्रका स्थानीय नेताहरु भने दाहालको जित सुनिश्चित भएको बताउँछन् ।

वडा नम्बर २० को १६०० मत गणना भएको छ । अहिलेसम्म ज्ञवालीले ४२४१८ र दाहालले ४२४१४ मत प्राप्त गरेका छन् ।