साहित्य
काठमाडौं । नेपाली कथानक चलचित्र ‘वीर विक्रम’ यही भदौ तीन गते शुक्रबारबाट रिलिज हुने भएको छ । केही अहिलेको चल्तिका स्टार कलाकार र केही नयाँ अनुहारलाई समेटेर बनाएको चलचित्र शुक्रबारबाट काठमाडौं भित्र र बाहिर एकैसाथ प्रदर्शनमा आउन लागेको हो ।
मिलन च्याम्सको निर्माण तथा निर्देशन रहेको चलचित्रमा दयाहाङ्ग राई, अर्पण थापा, अनुप विक्रम शाही, दिया पुन, नाजिर हुसेन, शिशिर राना, वसन्त भट्टको मुख्य अभिनय रहेको छ ।
रामेछापका विभिन्न ठाउँका छायांकन गरिएको चलचित्रको लगानी करिब एक करोड रहेको निर्माता तथा निर्देशक मिलन च्याम्सले जानकारी दिए । “पूर्णतया नेपाली विषयबस्तुमा आधारित मनारञ्जनात्मक चलचित्र हो, वीर विक्रम,” मिलनले भने,“यो पूर्ण व्यवसायिक चलचित्र हो । चलचित्र हेरुन्जेल दर्शकलाई बोर फिल हुँदैन ।”
“साथित्व, मातृत्व साथीका लागि साथीले गर्ने सम्झौता, माया पे्रम मेरो चलचित्रको मुख्य विषयबस्तु हो,” उनले भने, “यो सँगै स्थानीय विषयलाई पनि समेटेको छु । विकट ग्रामीण परिवेशका जिन्दगीको भोगाइहरु पनि समावेश गरेको छु ।”
शुक्रबारका लागि रिलिज डेट लिएको चलचित्र काठमाडौं उपत्यका भित्र र बाहिर गरी ७५ वटा हलमा एकैपटक रिलिज हुँदैछ ।
प्रकाशित मिति: मंगलबार, साउन ३२, २०७३ १४:३४
प्रतिक्रिया दिनुहोस्