काठमाडौं । सोयब मल्लिका र आसिफ अलीले इनिङ सम्हाल्दा पाकिस्तानले टी–ट्वान्टी विश्वकप क्रिकेटमा लगातार दोस्रो जित निकालेको छ । 

आसिफ अलीले १२ बलमा २७ रन बनाउँदा न्युजिल्यान्डले दिएको १३५ रनको लक्ष्य पाकिस्तानले १८ ओभर ४ बलमा ५ विकेट गुमाएर १३५ रन बनायो । 

पाँचौ नम्बरमा ब्याटिङ गर्न आएका सोयब मलिकले २६ रनको योगदान गरे । पाकिस्तानका लागि मोहम्द रिजवानले ३३ रनको योगदान गर्दा फकर जमान र इमाड वासिमले समान ११–११ रनको योगदान गर्दा पाकिस्तानले ५ विकेटको जित निकाल्न सफल भयो । 

बलिङतर्फ न्युजिल्यान्डका लागि इस सोधीले दुई विकेट लिए । त्यस्तै मिहेल स्ट्राक, टिम साउथी र ट्रेन्ट बोल्टले समान एक–एक विकेट लिए । 

यसअघि हारिस राउफले ४ विकेट लिँदा न्युजिल्यान्ड १३४ रनमै समेटिएको थियो । टस हारेर पहिले ब्याटिङ गरेको न्युजिल्यान्डले निर्धारित २० ओभरमा ८ विकेट गुमाएर १३४ रन बनाएको थियो ।

न्युजिल्यान्डका डारेल मिचेल र डेभोन कोवेले समान २७–२७ रन बनाए । 

न्युजिल्यान्डका लागि सुरुवाती पाँच ओभरमा विना विकेटको क्षेतीमा ३६ रन बनाएको न्युजिल्यान्डले त्यसपछिको पाँच ओभरमा ३ विकेट गमाएर मात्र २४ रन बनायो । 

न्युजिल्यान्डलाई १३४ रनमै समेट्न रउफले ४ ओभर बलिङ गरेर २२ रन खर्चदै ४ विकेट लिए । त्यस्तै शाहिन अफ्रिदी, इमाड वासिम र मोहम्द हाफिजले समान एक–एक विकेट लिए । 

आज जित निकाल्दै पाकिस्तान सेमिफाइनल प्रवेशका लागि आफ्नो सम्भावना बलियो बनाएको छ । यता न्युजिल्यान्डले भने हारबाट प्रतियोगिताको सुरुवात गरेको छ ।