काठमाडौं । नेत्रविक्रम चन्द 'विप्लव' नेतृत्वकाे नेपाल कम्युनिस्ट पार्टी (नेकपा) काे भ्रातृ संगठन अखिल क्रान्तिकारीले शैक्षिक विकृतिविरुद्ध प्रदर्शन गरेको छ । मंगलबार काठमाडौंको प्रदर्शनीमार्गमा रहेको रत्नराज्य लक्ष्मी क्याम्पस अगाडि अखिल क्रान्तिकारीले त्रिभुवन विश्वविद्यालय लगायत अन्य विश्वविद्यालयमा भइरहेका शैक्षिक विकृतिविरुद्ध प्रदर्शन गरेको हो ।

उनीहरूले 'एमफिल र पीएचडीमा गरिएको शुल्क वृद्धि खारेज गर, ७७ जिल्लामा आङ्गिक क्याम्पस विस्तार गर, शैक्षिक क्षेत्रमा हुने ठुला घोटालाको छानबिन गर्दै दोषीलाई कारबाही गर' लगायतका नारा लगाएर प्रदर्शन गरेका थिए । 

त्यसैगरी अखिलले राजनीतिक पहुँचका आधारमा सम्बन्धन दिने काम बन्द गरेर राजनीतिक रूपमा गरिएक नियुक्ति खारेजीको माग गरेको थियो ।