देश
काठमाडौं । मधुमेह उच्च रक्तचापजस्ता दीर्घरोगीहरूमा कोभिड संक्रमण भए नियमित प्रयोग गरिरहेको औषधि रोक्ने कि नरोक्ने भन्ने धेरैमा अन्योल हुनसक्छ । स्वास्थ्य तथा जनसंख्या मन्त्रालयले यस्ता रोगीहरूले आफूले प्रयोग गरिरहेको औषधि नछोड्न सुझाव दिएको छ ।
उच्च रत्तचाप र मधुमेहका दीर्घरोगीलाई आफू संक्रमित हुनुअघि प्रयोग गरिरहेका औषधिलाई संक्रमण भइसकेपछि पनि निरन्तरता दिँदा कुनै जटिलता नहुने मन्त्रालयले जनाएको छ । साथै होम आइसोलेसनमा रहेको समयमा यस्ता रोगीले हल्का व्यायाम गर्न र पोषणयुक्त खानेकुरा खान पनि मन्त्रालयको सुझाव छ । तर, मदिरा सेवन तथा धूम्रपान भने नगर्न मन्त्रालयको आग्रह छ ।
प्रकाशित मिति: आइतबार, असार ६, २०७८ १६:३५
प्रतिक्रिया दिनुहोस्