site stats
बाह्रखरी :: Baahrakhari
विशेष
Nabil BankNabil Bank
Sarbottam CementSarbottam Cement
उत्तर कोरियामा एक प्याकेट कफीको १०० डलर, समस्यामा किम
Ghorahi CementGhorahi Cement

वासिङटन । उत्तर कोरियाली प्रमुख किम जोङ उनले अहिले अमेरिका र दक्षिण कोरियासँग वार्ता गर्नुभन्दा धेरै ठूला समस्याको सामना गर्नुपरेको छ । जनता भोकभोकै पर्ने डर छ भने यसको समाधानको उचित विकल्प नहुनुले स्थिति झन् चुनौतीपूर्ण बनेको छ ।

गएको मंगलबार मात्र उनको सरकारले एक अत्यन्तै महत्वपूर्ण राजनीतिक बैठकको आयोजना गरेको थियो, जसमा उनले सार्वजानिक रुपमै आफूहरु खाद्य संकटमा परेको स्वीकार गरेका थिए ।

कृषि क्षेत्र अझै पनि गत वर्षको प्राकृतिक प्रकोपको क्षतिबाट पूर्ण रुपमा उकासिएको छैन र कोभिड–१९ का कारण सिमाना बन्द हुँदा सामानहरु आयात गर्न अत्यन्तै कठिन देखिएको छ । यस्तोमा राजधानी प्योङयोङमा दैनिक उपभोग्य वस्तुको मूल्य आकाशिएको छ ।

Agni Group

जानकारहरुका अनुसार चामल र इन्धनको मूल्य तुलनात्मक रुपमा स्थिर नै छ । तर, आयात निर्भर रहनुपर्ने खाद्यवस्तु चिनी, सोयाबिन, खाने तेल र मैदालगायतको मूल्य बढेको छ ।

त्यस्तै, स्थानीय रुपमा उत्पादन हुने केही सामग्रीको भाउ पनि पछिल्ला केही महिनामा वृद्धि भएको पाइएको छ । आलुको मूल्य पनि बढेको प्योङयोङका वासिन्दाहरुले बताएका छन् । उनीहरुका अनुसार अन्य गैरप्रमुख खाद्यवस्तु कालो चिया ७० डलरसम्म खरिद गर्न सकिन्छ भने एक प्याकेट कफी १०० डलरभन्दा बढीमा बिक्री भइरहेको छ ।

Global Ime bank

यसअघि, बीबीसीको रिपोर्टमा त्यहाँ एक किलो केराको नेपाली पाँच हजार रुपैयाँभन्दा बढी पर्ने गरेको बताइएको थियो ।

बैठकमा किमले खाद्यवस्तुहरुको अभाव कुन स्तरसम्म रहेको भनेर विस्तृतमा खुलासा गरेनन् । तर, संयुक्त राष्ट्रसंघको खाद्य तथा कृषि संगठनको प्रक्षेपणानुसार उत्तर कोरियामा आठ लाख ६० हजार टन खाद्यान्नको अभाव छ, यो देशव्यापी रुपमा दुई महिनालाई पुग्ने खानेकुरा हो ।

केही समयअगाडि स्थिति यति खराब बनेको थियो कि किमले सबै जनतालाई ‘कठिन मार्च महिना’का लागि तयार रहनसमेत आग्रह गरेका थिए, जसले १९९० को दशकमा उत्तर कोरियाको खडेरी र भोकमरीलाई जनाउँछ । त्यस समय यसले देशभर लाखौँको ज्यान लिएको बताइन्छ ।

जनतासामु भगवान् समान मानिँदै आएका किम परिवारका लागि केन्द्रीय रुपमा स्थापित आर्थिक योजनाले जनताको पेट भर्न नसक्नु भनेको धेरै ठूलो समस्या हो । तर, आफ्नो बुवा र हजुरबुवाको विपरीत किमले आफ्ना यस्ता कमजोरीहरु नडराइ सबैमाझ स्वीकार गर्दै आएका छन् । यसअघि, उनी सर्वसाधारणको अगाडि पहिलोपटक आँसु झार्दै माफी समेत माग्दै गरेको देखिएका थिए ।

किमले सुरुवातदेखि नै आफूलाई ‘जनताको मान्छे’का रुपमा छवि स्थापित गराएका छन् । नागरिकको दैनिक जीवनमा सुधार ल्याउने प्रतिबद्धता जनाउँदै आएका छन् ।

सन् २०११ मा सत्तामा आएदेखि नै उनले आफ्नो एक मात्र लक्ष्य उत्तर कोरियाली नागरिकको जीवनस्तरमा सुधार ल्याउनु रहेको बताउने गरेका छन् । तर, आणविक हतियार कार्यक्रम अन्त्य नगर्ने र देशभरका एक लाख बढी राजनीतिक कैदीहरुलाई रिहा गर्न इच्छुक नहुनुले किमको सो योजना पूरा गर्न धेरै हिसाबमा सहज देखिँदैन ।

यता, अमेरिकासँगको सम्बन्ध र आर्थिक प्रतिबन्ध हटाउनेसम्बन्धी छलफल अहिले किमका लागि धेरै टाढाको विषय बनेको छ । तर पनि उनले बिहीबारको महत्वपूर्ण राजनीतिक बैठकमा यसबारे उल्लेख गरेका थिए । त्यहाँको राष्ट्रिय समाचार संस्था केसीएनएका अनुसार किमले वर्तमान अमेरिकी राष्ट्रपति जो बाइडेनको उत्तर कोरियाली नीतिबारे विश्लेषण गर्दै अहिलेका लागि प्योङयोङले वार्ता र धम्की दुवैका लागि तयार रहनुपर्ने बताएका हुन् । तर पनि उनको यो भनाइ गत महिनाकोभन्दा कम आक्रामकका रुपमा व्याख्या गरिएको छ ।

यसअघि, उनले अमेरिकालाई अनियन्त्रित संकट निम्तिने चेतावनी दिएका थिए । जनवरीमा किमले अमेरिकालाई उत्तर कोरियाको सबैभन्दा ठूलो शत्रु ठहर गरेका थिए ।

पूर्वराष्ट्रपति डोनाल्ड ट्रम्प र किमबीच २०१९ मा भएको ऐतिहासिक सम्मेलनमा दुवै पक्षबीच सहमति हुन नसकेपछि उत्तर कोरियाले आफूहरुप्रतिको आक्रामक नीति नहटाएसम्म अमेरिकासँग वार्ता गर्न इच्छुक नभएको जनाउँदै आएको छ । यता, बाइडेन प्रशासनले आफ्नो विदेशी एजेन्डामा उत्तर कोरियाको आणविक कार्यक्रम र मानवअधिकार उल्लंघनको मुद्दा आफ्नो नीतिको महत्वपूर्ण अंश हुने स्पष्ट पारेको थियो ।

यसअघि, उत्तर कोरियासँगको भविष्यकै लागि भनेर जापानी प्रधानमन्त्री योशिहिदे सुगा र दक्षिण कोरियाली राष्ट्रपति मुन जे इन अमेरिका भ्रमणमा गएका थिए । यसरी ह्वाइटहाउसले उत्तर कोरियासमक्ष ट्रम्पभन्दा फरक र व्यावहारिक रणनीति अपनाउने बताइरहे पनि उत्तर कोरियाले आफ्नो स्थान परिवर्तन गर्न सकेको छैन । किम जस्तैगरी बाइडेनका पनि हाल अरु नै प्राथमिकता र चुनौतीहरु छन् । सीएनएनबाट ।

NIBLNIBL
प्रकाशित मिति: आइतबार, असार ६, २०७८  ०८:२१
Sipradi LandingSipradi Landing
worldlinkworldlink
Nepal TelecomNepal Telecom
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC