काठमाडौं । एसियन सिनियर महिला भलिबल च्याम्पियनसिपबाट पाँच देशले नाम फिर्ता लिएका छन् ।
नेपाली महिला बलिबल टोलीले च्याम्पियनसिपका लागि तयारी गरिरहेको छ । सोही प्रतियोगिताबाट पाँच देशले नाम फिर्ता लिएका हुन् । एसियन भलिबल महासंघका अनुसार चीन, इन्डोनेसिया, श्रीलंका, भियतनाम र न्युजिल्यान्डले नाम फिर्ता लिएका छन् ।
प्रतियोगितामा अब नेपालसहित आयोजक फिलिपिन्स, जापान, थाइल्यान्ड, कोरिया, काजकिस्तान, ताइवान, इरान, अष्ट्रेलिया, भारत, उज्वेकिस्तान र हङकङले सहभागिता जनाउनेछन् ।
यसअघि, एभीसीले १७ वटा देशले प्रतियोगितामा सहभागिता जनाउने जनाएको थियो । तर, पाँच देशले नाम फिर्ता लिएपछि प्रतियोगिता खेल्ने देशको संख्या १२ पुगेको छ ।
यसअघि, प्रतियोगिता चीनमा हुने तय भएको थियो । चीनले आयोजकको रुपमा नाम फिर्ता लिएपछि प्रतियोगिता हुने भएको हो ।
नेपालले पहिलोपटक प्रतियोगितामा सहभागिता जनाउँदै छ । नेपाली टोलीले गएको मंगलबारदेखि तयारी गरिरहेको छ । टोलीलाई सहायक प्रशिक्षक कुमार राईले प्रशिक्षण गराइरहेका छन् ।
प्रतियोगिता आउँदो अगष्ट २९ देखि सेप्टेम्बर ५ तारिखसम्म सञ्चालन हुँदै छ ।
