काठमाडौं । गरिमा विकास बैंकले के.सी.एल. अस्ट्यूट क्यापिटल लिमिटेडमा सेयर खरिद गर्ने भएकाे छ । आज शेयर लगानी/स्वामित्व खरिद गर्ने सम्बन्धमा सम्झौतामा हस्ताक्षर भएको छ ।
गरिमा विकास बैंक लिमिटेड र के.सी.एल. अस्ट्यूट क्यापिटल लिमिटेड विच शेयर स्वामित्व खरिद गर्ने सम्बन्धि सम्झाैता भएकाे हो ।
शुक्रबार आयोजित एक कार्यक्रममा सो उक्त समझदारीपत्रमा गरिमा विकास बैंकको तर्फबाट प्रमुख कार्यकारी अधिकृत गोविन्दप्रसाद ढकाल र के सी एल. अस्ट्यूट क्यापिटल लिमिटेडको तर्फबाट अध्यक्ष दिपक पाण्डेयले हस्ताक्षर गरेका छन् ।
उक्त सम्झौता सँगै के. सी एल. अस्ट्युट क्यापिटल लिमिटेडमा गरिमा विकास बैंक लिमिटेडको ५१.२० प्रतिशत शेयर स्वामित्व कायम हुनेछ । यस्तै के सी.एल. अस्ट्यूट क्यापिटल लिमिटेड गरिमा विकास बैंक लिमिटेडको सहायक कम्पनीको हुने नाम परिवर्तन भएर गरिमा क्यापिटल लिमिटेड हुने सहमति भएकाे छ ।