काठमाडौं । १६ औँ संस्करणको युरोकप फुटबलमा बेल्जियमले जित निकालेको छ । बिहीबार राति भएको खेलमा बेल्जियमले उत्कृष्ट पुनरागमन गर्दै लगातार दोस्रो जित निकालेको छ ।
कोपनहेगनमा भएको खेलमा बेल्जियमले डेनमार्कलाई २–१ गोल अन्तरले पराजित गर्दै आफूलाई तालिकामा बलियो बनाएको हो ।
पार्केन स्टेडियममा बेल्जियमलाई जित दिलाउन थोर्गन हाजार्ड र केभिन डी ब्रुएनले एक एक गोल गरे ।
डेनमार्कका युसुफ पाउलसेनले एक गोल फर्काए । खेलमा सुरुवाती अग्रता भने डेनमार्कले बनाएको थियो । खेलको दोस्रो मिनेटमै पाउलसेनले गोल गर्दै डेनमार्कलाई अग्रता दिलाएका थिए ।
खेलको ५५ औँ मिनेटमा हाजार्डले गोल गर्दै बेल्जियमलाई १–१ गोलको बराबरीमा फर्काए । उनले ब्रुएनकाे पासमा गोल गरेका थिए । ७१ औँ मिनेटमा ब्रुएनले गोल गर्दै बेल्जियमलाई २–१ को जित दिलाए ।
जितसँगै समूह ‘बी’ मा रहेको बेल्जियमले २ खेक्मा ६ अङ्क जोडेको छ । पहिलो खेलमा बेल्जियमले रुसलाई ३–० ले हराएको थियो । डेनमार्कको यो लगातार दोस्रो हार हो ।