काठमाडौं । कोरोना महामारीले नेपालसहित विश्वभर प्रभाव पारिरहकेको छ । नेपालमा निरन्तरको निषेधाज्ञाले सबैभन्दा बढी दैनिक ज्यालादारी गर्ने मजदुर, सडकपेटीमा बस्ने बेसहारा तथा असहायहरू समस्यामा परेका छन् ।
उनीहरूलाई केही मनकारीहरूले काठमाडौं उपत्यकाका चोकचोकमै पुगेर तातो कफी र बिस्कुट बाँडिरहेका छ्न । उनीहरूले सुरक्षाकर्मी र दैनिक ज्यालादारी गर्ने मजदुर, सडकपेटीमा बस्ने बेसहारा, असहायहरूलाई तातो चिया, कफी, बिस्कुट, जुस, चाउचाउ तथा पानी बाड्दै आएका छन् ।
ललितपुरको भैसेपाटी, नक्खु, एकान्तकुना, पुलचोक थापाथली काठमाडौंको संकटा मन्दिर परिसर र भद्रकाली मन्दिर परिसरमा भएकाहरूलाई आफूहरूले खानेकुराहरू दिँदै आएको कराते प्रशिक्षक एवम् समाजसेवी बिक्रम महर्जनले बताए ।
महामारीले सडकलाई घर बनाएकाहरूलाई आफूले सकेको सेवा गर्न पाउँदा खुसी लागेको महर्जन बताउँछन् ।
सबै तस्बिरहरू : हरिशजंग क्षेत्री