काठमाडौं । आईएमई ग्रुपअन्तर्गत सञ्चालित आईएमई मोटर्स प्रालिद्वारा प्रवद्र्धित अशोक लेलैण्डले कपिलवस्तुस्थित शिवराज नगरपालिकालाई सुविधासम्पन वारुणयन्त्र (दमकल) हस्तान्तरण गरेको छ ।

उक्त सुविधासम्पन्न वारुणयन्त्र (दमकल) नेसनल फायर सेफ र आईएमई मोटर्सको संयुक्त प्रयासमा नगरपालिकालाई हस्तान्तरण गरिएको हो ।

शिवराज नगरपालिकाका प्रमुख नेत्रराज अधिकारीलाई सो वारुणयन्त्र (दमकल) आईएमई मोटर्स प्रा्लिका कर्पाेरेट सेल्स हेड सुशील राणा थापाले हस्तान्तरण गरे ।

नगरप्रमुख अधिकारीले सुविधासम्पन्न वारुणयन्त्र (दमकल) आफ्नो नगरपालिकामा पहिलोपटक खरिद गर्न पाउँदा अत्यन्त खुसी लागेको भन्दै आगलागीका घटनामा नगरवासीको जिउधनको रक्षा गर्न र क्षतिको  रोकथामको लागि दमकल उपयोगी साबित हुने बताए ।

अशोक लेलैण्डको १२१२ इकमेट मोडलको च्यासिसमा बनाइएको दमकलमा चार हजार लिटर पानी अट्ने क्षमता रहनुका साथै दमकलमा ५०० लिटर फोम भर्न सकिने जनाइएको छ ।