काठमाडौं । युरोकप फुटबलमा अहिले दुई पूर्व विजेता टोली जर्मनी र फ्रान्सले प्रतिस्पर्धा गरिरहेका छन् । १६ औँ संस्करणको प्रतियोगितामा दुई टोलीबीच पहिलो प्रतिस्पर्धा हुँदैगर्दा पहिलो हाफमा फ्रान्सले अग्रता बनाएको छ ।

म्युनिखमा भइरहेका प्रतियोगिताको पहिलो हाफ सकिँदा फ्रान्सले जर्मनीविरुद्ध पहिलो हाफमा १-० गोलको अग्रता बनाएको छ ।

एलिजान एरिनामा जर्मनीका माट्स हुमेल्सको आत्मघाती गोलमा फ्रान्सले अग्रता बनाएको हो । खेलको २० औँ मिनेटमा माट्सले पोस्टमा आएको बल लेफ्ट साइडमा बचाउ गर्न खोज्दा बल गोलमा परिणत भएको थियो ।

आजको खेलमा दुबै टोली जित निकाल्ने योजनामा छन् । 

प्रतियोगिताको उपाधि दोबेदार टोलीको रूपमा रहेका जर्मनी र फ्रान्सका लागि आजको खेल निकै महत्वपूर्ण रहेको छ । 
आजको खेलमा थोमस मुलरले जर्मनीको टिममा युरोकपबाट दुई वर्षपछि पुनरागमन गरेका छन् । उता करिम बेन्जिमाले ६ वर्षपछि टिममा पुनरागमन गरेका छन् ।