फोटो फिचर
काठमाडौं । महाराजगञ्जस्थित राष्ट्रिय प्रहरी प्रतिष्ठान नेपालको अगाडिको प्रमुख विद्युतीय प्रसारण लाइनमा आगलागी भएको छ । आगलागीका कारण एकजना घाइते भएका छन् । उनको महाराजगञ्जस्थित टिचिङ हस्पिटलमा उपचार भइरहेको छ ।
सोमबार प्रतिष्ठान अगाडिको सडकमा रहेको प्रमुख विद्युतीय लाइनको पोलमा इन्टरनेटको तार मर्मतका क्रममा विद्युतको तार सट हुँदा आगलागी भएको भएको हो ।
पानी परिरहेको बेलामा पोलमा चडेर इन्टरनेटको तार मर्मत गर्ने क्रममा गल्तीले ११ हजार भोल्टेजको लाइनको विद्युतको तारमा छोइदा सटसर्किट भएर आगलागी भएको प्रहरीले जनाएको छ ।
अहिले उक्त क्षेत्रको विद्युत लाइन र इन्टरनेटको सेवा अवरुद्ध भएको छ ।
तस्बिरहरू : हरिशजंग क्षेत्री/बाह्रखरी
प्रकाशित मिति: मंगलबार, असार १, २०७८ २१:२०
प्रतिक्रिया दिनुहोस्