काठमाडौं । कर्णाली प्रदेशका चार सांसदको पद पुनर्वहाली भएको सूचना सभामुखले सभामा पढेर सुनाएका छन् । आजको प्रदेशसभा बैठकमा सभामुखले सांसद प्रकाश ज्वाला, कुर्मराजी शाही, अम्मरबहादुर थापा, नन्दसिंह बुढासहित एमालेका ४ जना सांसदको पद कायम रहेको जानकारी दिएका हुन् ।
सभामुखले जानकारी गरे लगत्तै एमाले संसदीय दलका नेता यामलाल कँडेलले सरकारको मन्त्रीका रूपमा रहेका सांसदबारे निर्णय गरिदिन आग्रह गरे ।
“अहिले नै अन द स्पोट दलको तर्फबाट संसद्को कामकारबाही रोक्न पर्ने विषय रहेछ । अविलम्ब सरकारमा रहेका नेकपा एमालेका मान्य सदस्यहरूलाई कोही कसैले कहीँ राख्ने अधिकार छैन,” उनले भने ।
उनले नीति तथा कार्यक्रमको छलफल चल्दासम्म धैर्यै गर्ने पनि बताए । कम समय भएकाले आफूहरू धैर्य गर्न तयार रहेको उनको भनाइ छ ।
उनले न्ययालयको निर्णयलाई आफूहरूले सकारात्मक रूपमा लिएको बताए ।