देश
महोत्तरी । महोत्तरीको नेपाल–भारत सीमा क्षेत्रबाट सशस्त्र प्रहरीले करिब आठ लाख रुपैयाँ नगद बरामद गरेको छ । जिल्लाको सम्सी गाउँपालिका–५। पोखरभिन्डास्थित दशगजा क्षेत्रबाट सशस्त्र प्रहरीले सात लाख पाँच हजार ५५० नगद शनिबार बरामद गरेको हो ।
सीमावर्ती भारतीय गाउँ गोराहारीबाट मोटरसाइकल चढेर नेपालतर्फ आएका एक व्यक्तिले सीमा क्षेत्रमा सशस्त्र प्रहरीलाई देखेपछि उक्त रकम झोला फालेर भागेका बताइएको छ । झोला जाँच गर्दा सो परिमाणको नगद फेला परेको जिल्लाको जलेश्वर–५ स्थित सशस्त्र प्रहरी बल ९ नम्बर गण जलसागरका गणपति सशस्त्र प्रहरी उपरीक्षक सुरेश सापकोटाले जानकारी दिए ।
बरामद रकम भन्सार कार्यालय जलेश्वरमा दाखिला भएको सशस्त्र प्रहरीले जनाएको छ । रासस
प्रकाशित मिति: शनिबार, जेठ २९, २०७८ २३:५५
प्रतिक्रिया दिनुहोस्