पोखरा । गण्डकी प्रदेशका नेकपा एमालेका सांसद इन्द्रलाल सापकोटासहित चारबढी सदस्यले प्रदेश सभा विघटन भए विद्रोह गर्ने चेतावनी दिएपछि कृष्णचन्द्र नेपालीलाई मुख्यमन्त्रीमा नियुक्तिका लागि थप दबाब बढेको बताइएको छ ।

बाह्रखरीसँगको कुराकानीमा सांसद प्रदेश सभा सदस्य सापकोटाले आफूसहित चारजना सांसदले प्रदेश प्रमुखलाई पनि विघटनको अवस्था आएमा विद्रोह गर्ने चेतावनी दिएको बताए ।

उनी एमालेमा माधवकुमार नेपाल नजिकका सांसद हुन् । उनले आफूसँग अरु सांसद पनि रहेको बताएका थिए ।

विद्रोहबारेमा अन्य सदस्यहरुसँग पनि कुरा भइरहेको उनको भनाइ थियो ।