काठमाडौं । पछिल्लो २४ घण्टामा मुलुकभर १५ हजार १८२ वटा नमुनामा कोभिड संक्रमण परीक्षण गरिएको थियो । जसमध्येबाट ३ हजार ७५० जनामा संक्रमण पुष्टि भएको छ । योसँगै नेपालमा जम्मा संक्रमित हुनेको संख्या ६ लाख ४ हजार ३९६ पुगेको छ भने सक्रिय संक्रमितको संख्या ७५ हजार २७५ रहेको छ ।
पछिल्लो २४ घण्टामा कोभिड संक्रमणका कारण ६७ जनाको मृत्यु भएको छ । योसँगै नेपालमा कोभिड संक्रमणका कारण मृत्यु हुनेको संख्या ८ हजार ३०५ पुगेको छ ।
त्यस्तै आज ५ हजार २२५ जना संक्रमणमुक्त भएका छन् । पछिल्लो २४ घण्टामा सबैभन्दा धेरै काठमाडौंमा ९२१ जना संक्रमित थपिएका छन् भने ललितपुरमा १६३ र भक्तपुरमा ५६ जना संक्रमित थपिएका छन् ।
पछिल्लो २४ घण्टामा उपत्यकाबाहिर सबैभन्दा धेरै मोरङमा १५१ जना संक्रमित थपिएका छन् । त्यस्तै नुवाकोटमा ११७, कास्कीमा ११७ र सुर्खेतमा ११६ जना संक्रमित थपिएका छन् । अन्य जिल्लामा थपिने संक्रमितको संख्या एक सयभन्दा कम रहेको छ । आज इलाम ओखलढुंगा, तेह्रथुम लगायतका ३४ जिल्लामा थपिने संक्रमितको संख्या १० भन्दा कम रहेको छ ।
आज देशभर होम आइसोलेसनमा ६९ हजार ६८६ जना, संस्थागत आइसोलेसनमा, ५ हजार ५८९ जना आईसीयूमा १ हजार १८९ जना र भेन्टिलेटरमा ३६६ जना रहेको स्वास्थ्य तथा जनसंख्या मन्त्रालयले जनाएको छ ।