बाह्रखरी
भर्खरै
Ncell inner sticky
देश प्रतिक्रिया दिनुहोस्
Jagadamba Group
Jagadamba Group
चितवनमा गैंडा चोरी शिकारीमा संलग्न एक युवक पक्राउ
KNP nepal
KNP nepal
सूर्यप्रसाद अधिकारी
बाह्रखरी - सूर्यप्रसाद अधिकारी बिहीबार, जेठ २७, २०७८
Laxmi Bank
Laxmi Bank

चितवन । चितवन राष्ट्रिय निकुञ्जमा गैंडा चोरी शिकारीमा संलग्न एक युवक पक्राउ परेका छन् । पक्राउ पर्नेमा नवलपुरको गैंडाकोट नगरपालिका–३ ढोडेनीका ३२ वर्षीय सोमा तथा मिनबहादुर गुरुङ भन्ने खड्कबहादुर गुरुङ रहेका छन्  ।

गुरुङलाई निकुञ्ज क्षेत्रमा चालु आर्थिक वर्ष ०७७/०७८ मा मात्रै मा ४ वटा गैंडा चोरी शिकारीमा संलग्न रहेका थिए ।
 
निकुञ्जको लामो समयको प्रयासपछि उनलाई बुधबार पक्राउ परेको चितवन राष्ट्रिय निकुञ्जले जनाएको छ  । उनलाई निकुञ्जबाट खटिएको चोरी शिकार नियन्त्रण इकाइको विशेष टोली, नेपाली सेना र गैंडाकोट प्रहरीको संयुक्त टोलीले उनलाई पक्राउ गरेको निकुञ्जका प्रमुख संरक्षण अधिकृत अणनाथ बरालले जानकारी दिए ।

Duber nepal

Agani Group

उनी निकुञ्जको आइल्याण्ड क्षेत्रमा गत वर्षको भाद्र १६ र १८ गते भएका गैंडा शिकारीमा हतियार उपलब्ध गराउने र आफैँ सुट गर्ने सुटर भएको अनुसन्धानको क्रममा पत्ता लागेको बरालले बताए । उनको साथबाट बन्दुकमा प्रयोग हुने १२ थान बारुद पोका, बन्दुकको बेयारिंग १५ थान, भरुवा बन्दुक बनाउन प्रयोग हुने रडसमेत बरामद भएको छ ।

गुरुङविरुद्ध जिल्ला अदालत नवलपुरमा २ र जिल्ला अदालत चितवनमा १ गरी गैंडा मार्ने र खाग तस्करीको अभियोगमा ३ वटा मुद्दा दायर छन् । लामो समयदेखि फरार रहेका उनी लगातार गैंडा चोरी शिकारका लागि ६ पटकसम्म निकुञ्जमा प्रवेश गरेको र ४ वटा गैंडा मारेको निकुञ्जका सुचना अधिकारी लोकेन्द्र अधिकारीले जानकारी दिए । उनले आफ्नो स्थायी घर ठेगाना छाडेर लुकिछिपी गैंडा तस्करीमा संलग्न रहेको अधिकारीले बताए ।

चालु आर्थिक वर्षमा गैंडा चोरी शिकारी मुद्दामा २६ जना पक्राउ परेका छन् । पक्राउ परेका मध्ये २२ जना हालसालैका घटनाका तस्करहरू हुन् भने ४ जना फरार प्रतिवादीहरू पक्राउ परेका हुन् ।

Nepal Investment bank
Nepal Investment bank
बिहीबार, जेठ २७, २०७८ मा प्रकाशित
TATA Landing
TATA Landing
प्रतिक्रिया दिनुहोस्