जनकपुरधाम । प्रदेश नम्बर–२ को नीति तथा कार्यक्रम आज प्रस्तुत हुने भएको छ । प्रदेश प्रमुख राजेश अहिराज झाले प्रदेशसभामा नीति तथा कार्यक्रम प्रस्तुत गर्ने कार्यसूची रहेको छ ।
अगामी आर्थिक वर्ष २०७८/७९ को नीति तथा कार्यक्रम आज दिउँसो ३ बजे प्रस्तुत हुने प्रदेशसभा सचिवालयका सचिव रञ्जित यादवले जानकारी दिए । त्यसपछि नीति तथा कार्यक्रममाथि प्रदेशसभामा छलफल हुनेछ ।
नीति तथा कार्यक्रम बहुमतले पारित गरेपछि असार १ गते सरकारले बजेट सार्वजनिक गर्छ । आर्थिक मामिला तथा योजनामन्त्री विजयकुमार यादवले बजेट भाषणको तयारी करिब पूरा भएको जानकारी दिए ।
प्रदेश सरकारको बजेटको आकार कम भएर आउने आँकलन गरिएको छ । राजस्व संकलनमा गिरावटलगायतले बजेटको आकार घट्न सक्ने आर्थिक मामिला तथा योजना मन्त्रालयका सचिव काशीराज दहालले बताए ।
अगामी वर्षको बजेटमा कोरोना महामारी र शिक्षालाई बढी प्राथमिकता दिइने जनाइएको छ ।