जनकपुरधाम । प्रदेश २ सरकारले नेपाली कांग्रेससँग सत्ता सहकार्यका लागि सहमति गरेकाे छ । मुख्यमन्त्री लालबाबु राउत र कांग्रस संसदीय दलका नेता रामसरोज यादवबीच अहिले सहमति भएको हो ।

कांग्रेस तीन मन्त्री र तीन राज्यमन्त्रीसहित सरकारमा सहभागी हुने भएकाे छ । रामसरोज यादव भौतिक पुर्वाधार तथा विकास,ओम प्रकाश शर्मालाई उर्जा र खानेपानी र विरेन्द्र सिंहलाई महिला बालबालिका तथा खेलकुद मन्त्रालय दिने तय भएको छ ।

राज्य मन्त्रीको टुङ्गो लागेको छैन् । तर, साढे ७ बजे नै नवनियुक्त मन्त्रीहरूले शपथ खाने आन्तरिक मामिला तथा कानुन मन्त्री ज्ञानेन्द्र कुमार यादवले जानकारी दिए ।

माओवादी केन्द्रसं सरकारको सहमति हुन सकेको छैन । बिहीबार माओवादीलाई पनि सरकारमा सहभागी गराउने सरकारको तयारी छ ।