काठमाडौं । पछिल्लो २४ घण्टामा देशभर १७ हजार ९३० वटा नमुनामा कोभिड संक्रमण परीक्षण गरिएको थियो । जसमध्येबाट ४ हजार ४७२ जनामा संक्रमण पुष्टि भएको छ । 

पछिल्लो २४ घण्टामा ९२ जनाको मृत्यु भएको छ । योसँगै नेपालमा कोभिड संक्रमणका कारण मृत्यु हुनेको संख्या ७ हजार ९९० पुगेको छ । त्यस्तै आज ६ हजार ९५१ जना संक्रमणमुक्त भएका छन् । नेपालमा आज सबैभन्दा धेरै काठमाडौंमा ७९० जना संक्रमित थपिएका छन् भने भत्तपुरमा १३५ र ललितपुरमा १९० जना संक्रमित थपिएका हुन् । 

पछिल्लो २४ घण्टामा उपत्यकाबाहिर सबैभन्दा धेरै सुनसरीमा २११ जना संक्रमित थपिएका छन् । त्यसैगरी मोरङमा १७५ जना, धनुषामा ११५, काभ्रेमा १३६, चितवनमा १३१, सिन्धुपाल्चोकममा १६२, कास्कीमा १३०, गोरखामा १२९ र सुर्खेतमा १०३ जना संक्रमित थपिएका छन् । 

यीबाहेक अन्य जिल्लामा थपिने संक्रमितको संख्या एक सयभन्दा कम रहेको छ । आज ताप्लेजङु, पाँचथर, भोजपुर लगायतका २३ जिल्लामा १० भन्दा कम संख्यामा संक्रमित थपिएका छन्  । 

आजसम्म नेपालमा सक्रिय संक्रमितको संख्या ८५ हजार ५४४ रहेको छ । जसमध्ये ७८ हजार ३६४ जना होम आइसोलेसनमा, ७ हजार १८० जना संस्थागत आइसोलेसनमा, १ हजार ४३४ जना आइसीयुमा र ३९७ जना भेन्टिलेटरमा रहेको स्वास्थ्य तथा जनसंख्या मन्त्रालयको तथ्यांक रहेको छ ।