खेल
काठमाडौं । प्रिमियर लिग च्याम्पियन क्लब म्यानचेस्टर सिटीका मिडफिल्डर केभिन डी ब्रुएनले ‘पीएफए प्लेयर अफ दि इयर’ अवार्ड जितेका छन् । प्रोफेसनल फुटबलर एसोसिएसन (पीएफए)ले प्रदान गर्ने अवार्ड जितेका हुन् । यस सिजनको उत्कृष्ट खेलाडी बन्दै ब्रुएनले अवार्ड जित्न सफल भएका हुन् ।
ब्रुएनले लगातार दोस्रो सिजन यो अवार्ड जितेका हुन् । उनले यो सिजन प्रिमियर लिग फुटबलमा ६ गोल र १२ असिस्ट गरेका थिए ।
उनले यो सिजन म्यानचेस्टर सिटीलाई प्रिमियर लिगको उपाधि दिलाउन महत्वपूर्ण भूमिका खेलेका थिए ।
यस्तै महिलातर्फ चेल्सीकी फ्रान किर्बीले यो अवार्ड जितिन् । यस्तै युवा खेलाडीको अवार्ड सिटीकै फिल फोडेनले अवार्ड जिते ।
प्रकाशित मिति: सोमबार, जेठ २४, २०७८ १४:१९
प्रतिक्रिया दिनुहोस्