काठमाडौं । पछिल्लो २४ घण्टामा मुलुकभर २० हजार ८१३ वटा नमुनामा कोभिड संक्रमण परीक्षण गरिएको थियो । जसबाट ६ हजार ६५३ जनामा संक्रमण पुष्टि भएको छ ।
योसँगै नेपालमा जम्मा संक्रमितको संख्या ५ लाख ८१ हजार ५६० पुगेको छ भने सक्रिय संक्रमितको संख्या ९७ हजार ६९९ पुगेको छ ।
त्यस्तै पछिल्लो २४ घण्टामा ८ हजार ६६३ जना संक्रमणमुक्त भएका छन् । आज सबैभन्दा धेरै काठमाडौंमा ८९७ जना संक्रमित थपिएका छन् भने ललितपुरमा २९९ जना संक्रमित थपिएका छन् ।
उपत्यकाबाहिर सबैभन्दा धेरै मोरङमा ३११ जना संक्रमित थपिएका छन् भने कास्कीमा २८२ जना संक्रमित थपिएका हुन् । त्यस्तै भत्तपुरमा १८८, झापामा १६९, सुनसरीमा १९१, धनुषमा १३३, सिन्धुपाल्चोकमा १३९ जना संक्रमित थपिएका छन् । त्यसैगरी १० जनाभन्दा कम संक्रमित थपिनेमा पाँचथर भोजपुर, धनकुटा लगायतका २४ जिल्ला छन् ।
आजसम्म मुलुकभर संस्थागत आइसोलेसनमा ६ हजार ७०८ जना आईसीयूमा १ हजार ४२२ जना र भेन्टिलेटरमा ४०४ जना उपचाररत रहेको स्वास्थ्य तथा जनसंख्या मन्त्रालयले जनाएको छ ।