राजनीति
काठमाडौं । प्रधानमन्त्री केपी शर्मा ओलीसित जनता समाजवादी पार्टी (जसपा)का अध्यक्ष महन्थ ठाकुरलगायतले छलफल गरिरहेका छन् । बालुवाटारमा छलफल जारी छ ।
ओली र ठाकुर पक्षबीच आज दिउँसो १ बजेर ५ मिनेटदेखि भेटवार्ता सुरु भएको हो । छलफलमा जसपाका वरिष्ठ नेता राजेन्द्र महतो र नेता शरतसिंह भण्डारी पनि सहभागी छन् ।
यस्तै, उपप्रधानमन्त्री ईश्वर पोखरेल पनि १३ः४५ बजेदेखि छलफलमा सहभागी भएको स्रोतले जानकारी दियो ।
उनीहरुबीच सरकारमा जाने विषयमा छलफल भएको हो । जसपाका नेताहरुले आजको वार्ता निर्णायक भएको बताएका छन् । सहमति जुटे आजै मन्त्रिपरिषद् पुनर्गठन गर्ने तयारी छ ।
प्रकाशित मिति: शुक्रबार, जेठ २१, २०७८ १४:४२
प्रतिक्रिया दिनुहोस्