काठमाडौं । नेकपा एमालेले स्थायी कमिटीको बैठक फेरि सारेको छ । बिहीबार ४ बजेलाई तय गरिएको बैठक अनिश्चित कालका लागि स्थगित गरिएको कार्यालय सचिव शेरबहादुर तामाङले जानकारी दिए । “पार्टी स्थायी कमिटीको बैठक अनिश्चितकालका लागि स्थगित गरिएको छ,” उनले सूचित गर्दै भनेका छन् ।
पार्टी विवाद मिलाउनकै लागि पटकपटक स्थायी कमिटी बैठक रोकिएको बताइएको छ । स्थायी कमिटीको आठौँ बैठक गत १८ गते बसेको थियो । बैठकले पार्टी एकता जोगाउन अन्तिमसम्म कसरत गर्ने निर्णय गरेको थियो । १२ जनालाई सोधिएको स्पष्टीकरण कार्यसूचीमा समेत राखेको थिएन ।
आज पनि एकता जोगाउनकै लागि बैठक सारिएको बताइएको छ । उता असन्तुष्ट झलनाथ खनाल र माधवकुमार नेपाल समूहले केन्द्रीय सदस्यहरूसँग भर्चुअल छलफल गरिरहेका छन् ।