काठमाडौं । पूर्वराजा ज्ञानेन्द्र शाहले एक भिडियो सन्देश जारी गर्दै महामारीप्रति चिन्ता व्यक्त गरेका छन् ।

उनले आफूहरु संक्रमणपछि ठिक भएको जनाउँदै आफूहरुको स्वास्थ्यप्रति चिन्ता व्यक्त गर्नै सबैलाई धन्यवाद दिएका छन् ।

“हाम्रो स्वास्थ्यबारेमा चिन्ता र चासो दिनुहुने सबै नेपालीप्रति आभार व्यक्त गर्दछौँ । दिनरात मानवीय कार्य गर्ने सबै, अग्रपंक्तिमा रहने सबैमा अन्तरआत्मादेखि धन्यवाद दिन चाहन्छाैँ,” शाहले भनेका छन्, “हामी दुवै स्वास्थ्यलाभको अवस्थामा छौँ । महामारीप्रति चिन्तित छौँ । यसलाई महामारी नियन्त्रण गर्नका लागि आफ्नै संकल्प र बाह्य सहयोगको आवश्यकता पर्छ । अन्तर्राष्ट्रिय सहयोगको लागि धन्यवाद दिन चाहन्छु । सुरक्षित, सावधान र स्वस्थ रहन अनुरोध गर्दछु ।”

उनले पूर्वरानी कोमल शाहसँगै उपस्थित भएर भिडियो सन्देश जारी गरेका छन् ।