काठमाडौं । नेकपा (एमाले)का १६ जनसंगठन प्रमुखहरूले पार्टीविरोधी तत्त्वहरूलाई कारबाही गरे खुसी हुने बताएका छन् । उनीहरूले सामूहिक विज्ञप्ति निकालेर केपी ओलीका विरुद्धमा अनेक वितण्डा मच्चाउन उद्धत् पार्टीविरोधी तत्त्वलाई तह लगाउन आवश्यक रहेको निष्कर्ष निकालेका हुन् ।

“हामी आवद्ध सम्पूर्ण जनसमुदायलाई मूल पार्टीको पक्षमा दृढतापूर्वक उभिई स्थिरता, विकास र समृद्ध नेपाल, सुखी नेपाली को राष्ट्रिय आकांक्षालाई पूरा गर्न एकजुट भई लाग्न अनुरोध गर्दछौं । जनताको आशा र भरोसाका केन्द्रको रुपमा रहेको नेकपा (एमाले) लाई तोड्ने र कमजोर पारेर विखण्डनको दलदलमा फसाउन चाहने कुनै पनि प्रकारका नकारात्मक गतिविधिहरुका विरुद्धमा सशक्त ढंगले लाग्न पनि आम कार्यकर्तालाई अपिल गर्दछौं,” संयुक्त विज्ञप्तिमा भनिएको छ ।

एमालेका जनसंगठनहरूले संसद् विघटन संविधानसम्मत भएको ठहर गरेका छन् । “संविधान बमोजिम प्रधानमन्त्रीको सिफारिसमा सम्माननीय राष्ट्रपतिज्यूबाट भएको प्रतिनिधिसभा विघटनका सन्दर्भमा हाम्रो ध्यान आकृष्ट भएको छ,” संयुक्त विज्ञप्तिमा भनिएको छ ।

पूर्णपाठ