राजनीति
काठमाडौं । नेकपा एमालेकी नेतृ अष्टलक्ष्मी शाक्यले संविधान धुजाधुजा बनाउन खोजिएको बताएकी छन् । वाग्मती प्रदेशसभाको आज (सोमबार)को बैठकमा बोल्दै नेतृ शाक्यले सनकको भरमा प्रतिनिधिसभा विघटन गरेर अदालत गएर ब्युँताउनुपर्ने अवस्था आएको बताइन् ।
उनले सत्ताको नेतृत्व गरिरहेको आफ्नै पार्टीका नेताले त्यो अवस्था ल्याउनु दुःखद् भएको बताइन् । अहिलेको चुनौती संघीय लोकतान्त्रिक गणतन्त्र कसरी बलियो बनाउने, संविधानको रक्षा गर्ने नै भएको उनको ठहर थियो ।
वाग्मती प्रदेशको आठौं अधिवेशन आइतबारबाट प्रारम्भ भएको हो ।
प्रकाशित मिति: सोमबार, जेठ १७, २०७८ १२:२२
प्रतिक्रिया दिनुहोस्