काठमाडौं । उपप्रधानमन्त्री ईश्वर पोखरेलले विवेकशील साझा पार्टीका नेता उज्वल थापाको स्थास्थ्य अवस्था बारेमा जानकारी लिएका छन् । उपप्रधानमन्त्री पोखरेलले मेडिसिटी अस्पतालका चिकित्सकहरूसँग टेलिफोनमार्फत थापाको स्वास्थ्य अवस्थाबारे जानकारी लिएका हुन् ।
साथै उनले थापाकी आमा शान्ता थापालाई टेलिफोन गरी सरकारकातर्फबाट सहयोग गर्नुपर्ने भए जानकारी गराउन आग्रह गरेका थिए ।
यसैबीच थापाकाे स्वास्थ्यमा थप जटिलता देखिएकाे छ । थापाको परिवार, साथी र शुभेच्छुकहरूको तर्फबाट आज जारी भएको विज्ञप्तिमा उनको स्वास्थ्य अवस्था जटिल बनेको उल्लेख छ ।
"अहिले अस्पतालमा भ्ऋःइ प्रविधिबाट विशेषज्ञहरुबाट, अस्पतालभन्दा बाहिरका विशेषज्ञहरूको राय सल्लाहलाई समेत मध्यनजर गर्दै, उहाँको उपचार भैरहेको भए तापनि उज्वलको अवस्था जटिल हुँदै गएको छ । उहाँको उपचारको क्रममा उपलब्ध सबै विधिहरूको प्रयोग गरेको उपचारमा संलग्न चिकित्सकहरूले जानकारी गराउनु भएको छ," विज्ञप्तिमा भनिएको छ ।
थापालाई २ हप्ताअघि कोरोना संक्रमण भएपछि ह्याम्स अस्पताल, ग्रान्डी अस्पताल लगायतका अस्पतालबाट नेपाल मेडिसिटी अस्पतालमा रेफर गरिएको थियो ।