साहित्य
दिनेश अधिकारी
मान्छे भने पनि उही हो
जनता भने पनि उही हो
ऊ अहिले चारैतिरबाट
मृत्युले घेरिएको छ
मर्नु निश्चित छ
मात्र कसको सिकार हुने
अहिले ऊ
त्यति मात्रै छनोट गर्न सक्ने अवस्थामा छ
एकातिर–
मुख बाइरहेको चितुवा छ
अर्कोतिर–
विषालु सर्प फँडा उठाइरहेको छ
जता फर्के पनि
असुरक्षाबाहेक केही छैन
एकातिर–
गोही र बिच्छीको बथान छ
अर्कोतिर–
सत्ता छ, सरकार छ !
०००
प्रकाशित मिति: शनिबार, जेठ १, २०७८ ०६:२१
प्रतिक्रिया दिनुहोस्