काठमाडौं । प्रतिनिधिसभाका सभामुख, राष्ट्रियसभाका अध्यक्ष, संघीय संसद् सचिवालयका कर्मचारीलगायतलाई कोरोनाविरुद्धको दोस्रो डोज खोप दिन सुरु गरिएको छ ।
नयाँ बानेश्वरस्थित संसद् भवनको ल्होत्से हलमा आज बिहान १० बजेदेखि सुरु भएको खोप कार्यक्रम दिउँसो ४ बजेसम्म सञ्चालन हुने संसद् सचिवालयले जनाएको छ ।
पहिलो डोज खोप लागाएको आठ हप्ता पूरा भएका सभामुख, अध्यक्ष, उपाध्यक्षलगायत प्रतिनिधिसभा र राष्ट्रियसभाका सबै सदस्यहरुलाई आजदेखि जेठ २ गतेसम्म कोभिसिल्ड खोपको दोस्रो डोज दिइनेछ ।
अन्तर्राष्ट्रिय सम्मेलन केन्द्रका कर्मचारीहरु, स्वकीय सचिवलगायत कर्मचारीहरु, मर्यादापालक तथा सुरक्षासँग सम्बन्धित सबै कर्मचारी र संसदीय मामिला पत्रकारलाई पनि खोप लगाइने जनाइएको छ ।