काठमाडौं । सुर्खेतमा चितुवाको छालासहित एकजना पक्राउ परेका छन् ।

गुर्भाकोट नगरपालिका–३, कुरिलेस्थित सडकबाट सात फिट ६ इन्च लम्बाइ भएको एकथान चितुवाको छालासहित गुर्भाकोट–९ बस्ने ३६ वर्षीय वीरेन्द्रकुमार खत्रीलाई प्रहरीले पक्राउ गरेको हो ।

बोटोचौरबाट जाजरकोटतर्फ जाँदै गरेको भे४प ४८८७ नम्बरको मोटरसाइकललाई इलाका प्रहरी कार्यालय छिन्चुबाट खटिएको प्रहरीले जाँच गर्ने क्रममा लुकाइ ल्याएको अवस्थामा उक्त छालासहित फेला पारी उनलाई पक्राउ गरेको जनाइएको छ ।