site stats
बाह्रखरी :: Baahrakhari
देश
Nabil BankNabil Bank
Sarbottam CementSarbottam Cement
कञ्चनपुरमा निषेधाज्ञाको अवधि एक हप्ता थपियो
कैलालीको धनगढीको दृष्य । फाइल तस्बिर ।
Ghorahi CementGhorahi Cement

कञ्चनपुर । कञ्चनपुरमा नयाँ भेरियन्टसहितको कोभिड–१९ को संक्रमण पछिल्ला दिनमा उच्च दरमा फैलिँदै जान थालेपछि निषेधाज्ञाको अवधि एक  हप्ताका लागि थप गरिएको छ । जिल्ला कोभिड–१९ संकट व्यवस्थापन केन्द्रको बुधबार बसेको बैठकले आगामी जेठ ७ गतेसम्मका लागि निषेधाज्ञाको अवधि थप गरेको हो ।

यसअघि, वैशाख ३१ गतेसम्मका लागि निषेधाज्ञाको समयावधि तोकिएको थियो । प्रमुख जिल्ला अधिकारी रामकुमार महतोका अनुसार निषेधाज्ञालाई थप कडाइ गरिने भएको छ । सञ्चालन हुँदै आएको महेन्द्रनगरस्थित तरकारी बजार (सब्जीमन्डी) बुधबारदेखि बन्द गरिएको छ । तरकारी बजारमा निकै भिडभाड हुन थालेपछि कोरोनाको संक्रमण नियन्त्रण तथा रोकथामका लागि बन्द गर्ने निर्णय गरिएको छ ।

Agni Group

तरकारी, तथा फलफूल आपूर्तिका लागि स्थानीय तह र उद्योग वाणिज्य संघको समन्वयमा स्वास्थ्य सुरक्षाको मापदण्ड पालना गरी हरेक आइतबार र बुधबार बिहान ६ बजेदेखि ९ बजेसम्म घुम्ती पसल सञ्चालन गर्न सकिने भएको छ । स्वास्थ्य सेवा, दूध डेरी तथा पेट्रोलियम पदार्थसम्बन्धी पसल व्यवसायबाहेकका अन्य पसल, व्यवसाय सञ्चालन गर्न नपाइने जारी नयाँ आदेशमा उल्लेख गरिएको छ ।

खाद्यवस्तुका पसल, व्यवसाय हरेक आइतबार र बुधबार बिहान ६ बजेदेखि ९ बजे सम्म मात्रै खोल्न पाइनेछ । राष्ट्रिय गौरवका आयोजनाका हकमा निर्माण सामग्री, उपकरण र कामदार निर्माणस्थलमै राखी निर्माण गर्नेबाहेक अन्य सबै निर्माणकार्य स्थगन गर्ने निर्णय गरिएको प्रजिअ महतोले बताए ।

Global Ime bank

अत्यावश्यकबाहेक अन्य सार्वजनिक सेवा हाललाई स्थगन गर्ने निर्णय गरिएको छ ।  राजस्व दाखिला र सरकारी कारोबारबाहेक बैंक तथा वित्तीय संस्थाको सबै सेवा बन्द गरिएको छ । बैंक तथा वित्तीय संस्थाहरुले अत्यावश्यक भुक्तानीका लागि एटीएम तथा विद्युतीय प्रणालीबाट सेवा प्रवाहको समुचित प्रबन्ध गर्नुपर्नेछ । विवाह तथा व्रतबन्धको हकमा बढीमा १० जनासम्म मात्र सहभागी हुन पाउनेछन् । विवाह तथा व्रतबन्धको लागि होटेल तथा पार्टी प्यालेस प्रयोग गर्न पाइने छैन ।

साथै, कोभिड–१९ को कारण देखाइ दैनिक उपभोग्य वस्तु तथा स्वास्थ्य सामाग्रीको बजारमा कृत्रिम अभाव सिर्जना गर्ने, कालोबजारी गर्ने, मूल्यवृद्धि गर्ने, म्याद सकिएका खाद्यवस्तुको रिलेबलिङ गर्नेजस्ता कार्य गर्नेलाई कडाभन्दा कडा कारबाही गरिने तथा आदेशको उल्लंघन गर्ने वा आदेशको पालना नगर्नेलाई कानुनी कारबाही हुनेछ । रासस

NIBLNIBL
प्रकाशित मिति: बिहीबार, वैशाख ३०, २०७८  ०९:३१
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC