पोखरा । पुनःनियुक्ति पाएका गण्डकी प्रदेशका मुख्यमन्त्री पृथ्वीसुब्बा गुरुङले आफ्नो प्रदेशलाई नेपालको उदाहरणीय प्रदेश बनाउने बताएका छन् । बुधबार साँझ शपथग्रहणपछि प्रक्रिया दिँदै उनले आफू जनताको आशीर्वादले फेरि मुख्यमन्त्रीको पदभार सम्हालेको बताए ।

“गण्डकी प्रदेशका जनताको आशीर्वाद र कृपाले आज मैले गण्डकी प्रदेशको मुख्यमन्त्री को पदभार सम्हालेका छु । गण्डकी प्रदेशको उन्नति, समृद्धि र विकासका साथ नेपालको उदाहरणीय प्रदेश बनाउने मेरो प्रमुख योजना हो,” उनले भने । 

उनले दोस्रोपटक मुख्यमन्त्रीको पदभार सम्हालेपछि पहिलो निर्णय स्वरुप गण्डकी प्रदेश सरकारले खडा गरेको कोभिड कोषमा सरकारको तर्फबाट ४ करोड दिने निर्णय गरेका छन् । 

बुधबार प्रदेश प्रमुख सीता पौडेलले संविधानको धारा १६८ ९३० अनुसार ठूलो दलको हैसियतले एमालेका संसदीय दलका नेता गुरुङलाई मुख्यमन्त्रीमा नियुक्त गरेकी थिइन् ।