काठमाडौं । इंग्लिस प्रिमियर लिग फुटबलमा लेस्टर सिटीले जित निकालेको छ । मंगलबार राति भएको खेलमा म्यानचेस्टर युनाइटेड लेस्टर सिटीसँग २–१ ले पराजित भएको हो ।
युनाइटेडको घरेलु मैदानमा भएको खेलमा लेस्टरलाई जित दिलाउन लुक थोमस र काग्लर सोयुन्चुले एक/एक गोल गरे । युनाइटेडका मासन ग्रीनउडले एक गोल फर्काए ।
लेस्टरका लागि थोमसले १०औँ मिनेटमा गोल गर्दै पाहुना टोलीलाई अग्रता दिलाएका थिए । १५औँ मिनेटमा ग्रीनउडले घरेलु टोली युनाइटेडका लागि बराबरी गोल फर्काए । पहिलो हाफ १–१ गोलको बराबरी खेलेको लेस्टरले दोस्रो हाफमा एक गोल गरेको हो । ६६औँ मिनेटमा सोयुन्चुले गोल गर्दै लेस्टरलाई २–१ को जित दिलाए ।
युनाइटेडको यस हारसँगै म्यानचेस्टर सिटीले लिगको उपाधि जितेको छ । युनाइटेड सिटीभन्दा १० अंकले पछाडि रहेको छ । युनाइटेडको ७० र सिटीको ८० अंक छ । लेस्टर ६६ अंक जोडेर तेस्रो स्थानमा छ ।