काठमाडौं । प्रधानमन्त्री केपी शर्मा ओलीले पाँचै वर्ष सरकार चलाउनका लागि आफूले राजीनामा नदिएको बताएका छन् ।
सोमबार प्रतिनिधिसभाको बैठकमा उनले आफूलाई भोट दिएर संसद विघटनतर्फ नधकेल्न आग्रह पनि गरे ।
आजको बैठकमा प्रतिपक्षी दलका नेताहरुले फेरि संसद् विघटन गर्न लागेको आरोप लगाएका थिए । त्यसको जवाफमा ओलीले आफूलाई विश्वासको पक्षमा मत दिए संसद् विघटन हुन नदिने बताए ।
“किन राजीनामा नदिएको भन्दा पाँचै वर्ष चलाउन । ठ्याक्कै मिलेको छ नि कुरो । कुरो एउटै छ पाँचै वर्ष चलाऔं । पटकपटक अस्थिरता नचलाऔँ । मिलेर काम गरौँ । मत दिनुस्,“ उनले भने,“संसद् विघटन होला कि भनेर चिन्ता छ । मत दिनुस् न कसरी हुन्छ विघटन ?"
आफैँ विघटनतर्फ धकलेर दोष लगाएको उनको आरोप छ । स्थिरताको पक्षमा काम गर्न आग्रह गरे । उनले चुनाव हुँदा लोकतन्त्र र संविधान खतारामा नपर्ने पनि बताए ।