काठमाडौं । जनता समाजवादी पार्टीका अध्यक्ष महन्थ ठाकुरले प्रधानमन्त्री केपी शर्मा ओलीले लिन लागेको मतदानमा आफूहरु तटस्थ बस्ने बताएका छन् । आजको संसद् बैठकमा बोल्दै उनले आफूहरुले पक्ष या विपक्षमा मतदान नगर्ने बताए ।
“हामी पक्षमा पनि छैनौं । विपक्षमा पनि छैनौं । तटस्थमा बस्न चाहन्छौं किनभने हामी विभेदबाट पीडित छौं । अपमानबाट पीडित छौं । जातीय आधारमा क्षेत्रीय आधारमा, “उनले भने ।
ठाकुरले प्रधामन्त्रीले आफ्ना मुद्दाहरु सुनेको र कार्यान्वयन गर्ने पनि बताएको जानकारी गराए । जेलमा रहेका आफ्ना नेता कार्यकर्ताहरुको विषयमा निर्णय गर्न पनि आग्रह गरे ।
जनता समाजवादी पार्टीकै अर्का अध्यक्ष उपेन्द्र यादव पक्ष भने सरकारको विपक्षमा मतदान गर्ने निर्णयमा छ ।