काठमाडौं । माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीलाई विश्वास माग्नुको साटो राजीनामा दिन सुझाव दिएका छन् । प्रधानमन्त्रीले विश्वासको मत माग्न राखेको प्रस्तावमा संसदमा बोल्दै त्यसकोे विपक्षमा बालेका दाहालले प्रधानमन्त्रीले नैतिक र वैधानिक हैसियत गुमाएको बताए । 

“प्रधानमन्त्रीले विश्वासको मत माग्न पाउने उहाँको लोकतान्त्रिक अधिकारको म सम्मान गर्दछु,” दाहालले भने, “तर, उहाँले सरकारमा बस्ने नैतिक, राजनीतिक र बैधानिक हैसियत गुमाइसक्नुभएको छ । त्यसैले म उहाँलाई अझ पनि राजीनामा दिएर लोकतान्त्रिक मार्ग प्रशस्त गर्न सुझाव दिन्छु ।”