देश
काठमाडौं । निषेधाज्ञाबीच ललितपुरमा रातो मच्छिन्द्रनाथको रथयात्रा हुने भएको छ । सीमित संख्यामा मानिसको सहभागिता र स्वास्थ्य मापदण्ड अपनाएर जात्रा मनाइने ज्यापु समाजले जनाएको छ ।
आइतबार ज्यापु समाज, जिल्ला प्रशासन कार्यालय ललितपुर, ललितपुर महानगरपालिका, गुठी संस्थान, २१ वटा जातीय खल पुच र जनप्रतिनिधिबीच जात्रा मनाउने निर्णय भएको थियो । यसको व्यवस्थापनको जिम्मा ललितपुर महानगरपालिकाले पाएको छ ।
ज्यापु समाजका अध्यक्ष चन्द्र महर्जनले जात्रामा सीमित व्यक्ति सहभागी हुने जानकारी दिए । ‘‘सहभागीलाई ज्वरो नापेर, मास्क, स्यानिटाइजर र ग्लोब्स अनिवार्य गरिएको छ । जात्राका लागि प्रहरी, स्वयंसेवक परिचालन गरिनेछ,” महर्जनले बाह्रखरीसँग भने ।
प्रकाशित मिति: सोमबार, वैशाख २७, २०७८ १३:५२
प्रतिक्रिया दिनुहोस्