काठमाडौं । नेकपा (एमाले)का नेता योगेश भट्टराईले देशभरका नेता–कार्यकर्ता एमालेको एकताका पक्षमा रहेको भन्दै कसैले नजरअन्दाज नगरोस् भन्ने चेतावनी दिएका छन् ।

आज ओली र खनाल–नेपाल पक्षबीचको वार्ता सकिएपछि सिंहदरबारमा पत्रकारसँग कुराकानी गर्दै भट्टराईले यस्तो चेतावनी दिएका हुन् । “वार्ता सकारात्मक रुपमा टुंगिएको छ, हामी पार्टी एकता बचाउन लागिरहेका छौँ,” भट्टराईले भने, “देशभरका कार्यकर्ता साथीहरु पनि पार्टी एकताका पक्षमा छन् । यसलाई नजरअन्दाज नगरियोस् ।”

उनले पार्टी एकताका पक्षमा राखेको मतलाई कमजोरीको रुपमा नहेर्न पनि ओली पक्षलाई चुनौती दिए ।

आफ्ने पक्ष विश्वासको मतको पक्ष वा विपक्षमा नलाग्नकै लागि संसद्मा अनुपस्थित हुने निर्णय गरेको भन्दै त्यसले पार्टी एकतालाई बल पुर्‍याउने उनको दाबी थियो ।