काठमाडौं । नेकपा एमालेको खनाल–नेपाल समूहकी सांसद गंगा चौधरी (सत्गौवा) ले नेताहरुको पदको स्वार्थका लागि आफूले राजीनामा नदिने बताएकी छिन् । उक्त समूहले सामूहिक राजीनामा दिनेबारे छलफल गरिरहेका बेला दाङकी समानुपातिक सांसद चौधरीले भने आफू पार्टी एकताको पक्षमा रहेको बताइन् ।

“सबै मिलेर पार्टी एकता जोगाउनुपर्छ । पार्टी विभाजन गर्न मिल्दैन । हामीले कदापी राजीनामा दिनुहुँदैन् । म राजीनामा दिन्न पनि । पार्टी एकताको पक्षमा छु । पहिले पनि नेकपाको एकताको पक्षमा थिएँ,“उनले भनिन् । 

नेताहरुको पदमा कुरा नमिलेर पार्टी नै विभाजन गर्न नहुने उनको भनाइ छ । नेताहरुको कुरा नमिल्दा आफूहरु सति नजाने उनले बताइन् । 

“पद पाउनका लागि होडबाजी हैन् । पद त्यागरे भए पनि पार्टी जोगाउनुपर्योह । राजीनामा दिएर आफ्नै पार्टीको सरकारलाई अफ्ठ्यारोमा पार्ने त्यहाँ भन्दा ठूलो अपराध हुन सक्दैन् । पार्टीमा कुनै नेताको कुरा नमिल्दा हामी सति जान सक्नदैनाैँ,“उनले बाह्रखरीसँग भनिन् ।