दाङ । कोरोना महामारीमा एम्बुलेन्सको अभाव भएपछि दाङमा अटो रिक्सालाई एम्बुलेन्सको रूपमा प्रयोग गर्न थालिएको छ । 

तुलसीपुर नगर जेसिजका पूर्व अध्यक्ष मोहन सुनार, नेपाल तरुण दलका नेता सुनिलबाबु डाँगी, अजय दुलालले अटोलाई  सञ्चालकसँग समन्वय गरेर अटोलाई एम्बुलेन्समा परिणत गरेका हुन् । 

निषेधाज्ञाकाे अवधिभर सञ्चालनका लागि ९ ‍‌ओटा अटोलाई एम्बुलेन्स बनाइएकाे परिचालन समितिका संयोजक दिपक कुमालले जानकारी दिए । 

एम्बुलेन्स सञ्चालकहरूले  बिरामीबाट चर्को भाडा लिएको गुनासो आइरहेको समयमा अटोलाई एम्बुलेन्सका रूपमा प्रयोग गर्न थालेपछि धेरै सर्वसाधरणले राहत पाउने अपेक्षा गरिएको छ ।