काठमाडौं । युरोपियन लिगअन्तर्गत सेमिफाइनलको दोस्रो लेगमा आज (बिहीबार) इटालियन क्लब एएस रोमा र इंग्लिस प्रिमियर लिग क्लब म्यानचेस्टर युनाइटेडले प्रतिस्पर्धा गर्दै छन् ।
रोमाको घरेलु मैदानमा हुने दुई टोलीबीचको खेल नेपाली समयानुसार राति १२ः४५ मा हुनेछ । युनाइटेडको घरेलु मैदानमा भएको पहिलो लेगमा रोमाले लज्जास्पद हार व्यहोरेको थियो । रोमा युनाइटेडसँग ६–२ ले पराजित भएको थियो ।
पहिलो लेगमा पराजित भएको रोमाले आफ्नो मुख्य प्रशिक्षक पाउलो फोनस्कालाई बर्खास्त गरेको थियो । रोमाले आफ्नो मुख्य प्रशिक्षकमा जोसे मोरिन्होलाई नियुक्त गरिसकेको छ । मोरिन्हो युनाइटेडका पूर्वप्रशिक्षक हुन् । युनाइटेडले खराब प्रदर्शन गरेपछि मोरिन्होलाई बर्खास्त गरेको थियो ।
त्यसपछि प्रिमियर लिग क्लब टोटेनहममा प्रशिक्षकको भूमिकामा गएका मोरिन्होलाई टोटेनहमले पनि बर्खास्त गरेको थियो । उनले इटालियन क्लब इन्टर मिलानमा प्रशिक्षकत्व गरिसकेका छन् ।
यो सिजनको अन्त्य उपाधिका साथ गर्ने मोरिन्होसामु मौका छ । तर, ६–२ गोलको अन्तरमा जित निकाल्नुपर्ने चुनौती छ ।