बाह्रखरी
भर्खरै
sticky  ncell
विदेश प्रतिक्रिया दिनुहोस्
Jagadamba Group
Jagadamba Group
२० वर्षपछि अफगानिस्तान छाड्दै अमेरिकी सेना
बाह्रखरी - आइतबार, वैशाख १९, २०७८
Laxmi Bank
Laxmi Bank

वासिङटन । अमेरिकाले अफगानिस्तानबाट औपचारिक रुपमा आफ्नो सेना फिर्ता गर्ने कार्य सुरु गरेको छ । कम्तीमा १०० सैन्य दल र हतियारहरु स्थानान्तरण गरिएको अमेरिकी राष्ट्रपति कार्यालय ह्वाइट हाउसका अधिकारीलाई उद्धृत गर्दै सीएनएनले जनाएको छ ।

“सेना फिर्ती प्रक्रिया जारी छ,” ह्वाइट हाउसका डेप्युटी प्रेस सेक्रेटरी करिन जिन पेरीले पत्रकारहरुसँग भनिन्, “यो कदमले सेना फिर्तीको सुरुवाती कदमलाई तीव्र बनाउनेछ । सेप्टेम्बर ११ सम्म सबै अमेरिकी फौज फिर्ता गर्ने हाम्रो प्रतिबद्धतामा हामी अडिग छौँ ।”

Rohto Landing

Agani Group

अमेरिकी सरकारी अधिकारी र ठेकेदारहरुले समेत अफगानिस्तान छाड्न लागेको ह्वाइट हाउसले जनाएको छ । यद्यपि, विदेशी सेना फिर्ता भएपछि तालिबानले हिंसात्मक गतिविधि बढाउन सक्ने भन्दै अमेरिकी रक्षा मन्त्रालय पेन्टागनले चिन्ता व्यक्त गरेको छ । अफगानिस्तानमा कम्तीमा दुई हजार ५०० अमेरिकी सेना र थप विशेष सैन्य दस्ता रहेको जनाइएको छ ।

उत्तर एटलान्टिक सन्धि संगठन (नेटो)ले समेत केही महिनामै सेना फिर्ता गर्ने जनाएको छ । सदस्य राष्ट्रका सेनाको सुरक्षा कारण देखाउँदै नेटोले कुन मितिसम्म कति सेना फिर्ता हुने भन्ने पूर्ण विवरण सार्वजनिक गरेको छैन । सेना फिर्ता गर्ने क्रममा तालिबानले आक्रमण गरे आफूले पनि बल प्रयोग गरेर जवाफ दिने संगठनले जनाएको छ ।

sarbottam cement

गृहयुद्ध चलिरहेका बेला हस्तक्षेप गर्दै सन् २००१ मा अफगानिस्तान प्रवेश गरेको अमेरिकी सेना २० वर्षपछि फिर्ता हुन लागेको हो ।

Nepal Investment bank
Sunrise bank
Nepal Investment bank
Sunrise bank
आइतबार, वैशाख १९, २०७८ मा प्रकाशित
TATA Landing
Dishhome
TATA Landing
Dishhome
प्रतिक्रिया दिनुहोस्