काठमाडौँ । कोभिड—१९ क्राइसिस म्यानेजमेन्ट सेन्टर (सीसीएमसी) को बैठकले बैंक तथा वित्तीय संस्थाहरू र सरकारी कार्यालयहरू एक चौथाई मात्र कर्मचारी राखेर सञ्चालन गर्ने निर्णय गरेको छ । शुक्रबार बसेको बैठकले कोरोनाको जोखिम थप बढेको निष्कर्ष निकाल्दै बैंक तथा वित्तीय संस्थाहरू र सरकारी कार्यालयहरू एक चौथाई मात्र कर्मचारी राखेर सञ्चालन गर्ने निर्णय गरेको उपप्रधानमन्त्री ईश्वर पोखरेलका प्रेस सल्लाहकार गणेश पाण्डेले जानकारी दिए ।

उनकाअनुसारका शुक्रबारको बैठकले उद्योगमा काम गर्ने कर्मचारीलाई कार्यस्थलमै खान बस्नको व्यवस्था गरेर सञ्चालन गर्ने पनि निर्णय गरेको छ । 

यस्तै, बैठकले सरकारले यसअघि गरेका निर्णयलाई कडाइका साथ कार्यान्वयन गर्ने पनि निर्णय गरेको छ ।

अक्सिजनमा हुने कालोबजारीलाई रोक्ने र होटेल क्वारेन्टाइनलाई थप व्यवस्थिति गर्ने गर्ने निर्णय पनि सीसीएमसीले गरेको छ ।

यसैगरी पशुपति क्षेत्रको शव दाह गृहलाई स्वास्थ्य सावधानी अपनाएर सञ्चालन गर्ने निर्णय भएको छ ।

बैठकले काठमाडौँ उपत्यकाका सरकारी अस्पताललाई व्यवस्थित गर्ने र त्यसले पनि नपुगे निजी अस्पालललाई कोभिड अस्पतालका रूपमा विकास गर्ने पनि निर्णय गरेको छ ।