विराटनगर । मोरङ जिल्ला प्रशासन कार्यालयले प्रदेश नम्बर १ को राजधानी विराटनगर महानगरपालिका र यससँग जोडिएका गाउँपालिकामा निषेधाज्ञा जारी गरेको छ ।
महानगरसँग सिमाना जोडिएको कटहरी, जहदा र बुढीगंगा गाउँपालिकामा पनि शनिबार राति १२ बजेदेखि सात दिनसम्मको लागि निषेधाज्ञा जारी गरिएको हो । विराटनगर महानगरपालिका र बुढीगंगा गाउँपालिकाका सबै वडामा निषेधाज्ञा जारी भएको प्रमुख जिल्ला अधिकारी कोषहरि निरौलाले जानकारी दिएका छन् ।
यस विषयमा निर्णय लिन जिल्लास्थित कोभिड क्राइसिस म्यानेजमेन्टको शुक्रबार बैठक बसेको थियो । विराटनगरसहितका क्षेत्रमा कोरोना संक्रमितको संख्या बढ्न थालेपछि प्रशासनले भाईरसको चेन ब्रेक गर्न निषधाज्ञा जारी गरेको हो । प्रशासनले निषेधाज्ञा अवधिभर प्रशासनबाट जारी भएका नियम पालना गर्न गराउन सर्वसाधारणलाई अपिल गरेको छ ।