बीबीसी । लकडाउनका समयमा प्रकृति र हरियो वातावरणले नै मानिसहरूलाई सबैभन्दा बढी राहत दिलाएको अध्ययनले देखाएको छ । ४० प्रतिशतभन्दा धेरै मानिसहरूका लागि कोरोना भाइरस सम्बन्धी सुरक्षाका नियमहरू सुरु भएदेखि प्रकृति, वन्यजन्तु र स्थानीय हरिया वातावरणयुक्त क्षेत्र सुस्वास्थ्यका लागि पहिले भन्दा धेरै महत्वपूर्ण भएको पाइएको छ ।
 
अध्यनबाटप्राप्त तथ्याङ्क महामारीभर स्थिर रहेको नेचुरल इङ्ल्यान्डका सरकारी सल्लाहकारले बताए । महामारीको समयमा शारीरिक एवम् मानसिक सुस्वास्थ्यका लागि प्रकृतिमा बिताएको समय नै सबैभन्दा प्रभावकारी साबित भएको विभिन्न सर्वेक्षणहरूले देखाएका छन् । 

गत वर्ष हरियो वातावरण र प्रकृतिको भूमिकाबारे गरिएको अध्ययनअनुसार यिनै विभिन्न कारणले लकडाउनपश्चात् मानिसहरूले पहिले भन्दा ठूलो स्तरमा प्रकृतिसँग अन्र्तक्रिया गर्ने, त्यसको मूल्य बुझ्ने र व्यक्तिगत व्यहारमा समेत परिवर्तन आउन सक्ने देखिएको छ । तर महामारीले ल्याएका यस्ता बदलावहरू अस्थाइ मात्र हुन् या आगामी जीवनको नयाँ ट्रेन्ड हुनेछ भन्ने चाहिँ अझै थाहा नभएको रिपोर्टमा उल्लेख छ । 

अध्ययनहरूबाट अर्को के पनि पाइएको छ भने घरमा बगैँचा या नजिकै पार्क हुने मानिसहरूले त्यस्ता ठाउँको पहुँच नहुनेको तुलनामा बढी शान्त अनि धेरै ऊर्जा भएजस्तो महसुस गर्ने गर्दछन् । बगैँचामा रोपाइँ लगायत गर्नुले पनि मानिसहरूमा स्ट्रेस कम गराउने यसअघि पनि प्रमाणित भइसकेको छ । बोटबिरुवा सँग अन्र्तक्रिया गर्नुले हाम्रो ध्यान आफू र स्ट्रेसबाट हटाउने हुनाले नै दिमागबाट नकारात्मक भाव हट्ने अनुसन्धानकर्ता, डाक्टर लोरिन बताउँछिन् ।